Сўнгги янгиликлар

барча янгиликлар
Навоий шаҳридаги "Ёшлар марказида" фуқароларнинг ўзини ўзи бошқариш органлари фаолиятини мувофиқлаштириш бўйича вилоят кенгаши, вилоят халқ таълими, ўрта махсус, касб-ҳунар таълими бошқармалари ҳамкорлигида ташкил қилинган "Маҳалла — менинг тақдиримда" кўрик-танловининг вилоят босқичи бўлиб ўтди.
12-13 декабрь кунлари атоқли адиб ва таржимон Ўзбекистон Республикаси санъат арбоби Иброҳим Fафуров таваллудининг 80 йиллиги муносабати билан Навоий шаҳри ҳамда Кармана ва Қизилтепа туманларида адабиёт байрамлари бўлиб ўтди.
7 декабрь куни Ўзбекистон Республикаси Конституцияси қабул қилинганининг 25 йиллиги муносабати билан Навоий шаҳридаги "Фарҳод" маданият саройида байрам тадбири бўлиб ўтди.
Навоий шаҳридаги "Ёшлар марказида" фуқароларнинг ўзини ўзи бошқариш органлари фаолиятини мувофиқлаштириш бўйича вилоят кенгаши, вилоят халқ таълими, ўрта махсус, касб-ҳунар таълими бошқармалари ҳамкорлигида ташкил қилинган "Маҳалла — менинг тақдиримда" кўрик-танловининг вилоят босқичи бўлиб ўтди.
12-13 декабрь кунлари атоқли адиб ва таржимон Ўзбекистон Республикаси санъат арбоби Иброҳим Fафуров таваллудининг 80 йиллиги муносабати билан Навоий шаҳри ҳамда Кармана ва Қизилтепа туманларида адабиёт байрамлари бўлиб ўтди.
7 декабрь куни Ўзбекистон Республикаси Конституцияси қабул қилинганининг 25 йиллиги муносабати билан Навоий шаҳридаги "Фарҳод" маданият саройида байрам тадбири бўлиб ўтди.

Календарь

ДуСеЧрПаЖуШаЯк
 123
45678910
11121314151617
18192021222324
25262728293031
«Декабрь 2017»

Суровнома

Сайтимизни қандай баҳолайсиз?

Қандолатчиликка меҳр қўйиб...

04.08.2017

Тумандаги "Катта мачит" маҳалла фуқаролар йиғини аҳолиси бир неча йиллардан буён тадбиркорлик билан шуғулланиб келаётган Комил Шаймановни жуда яхши танийди. Чунки унинг оилавий тарзда қандолатчилик маҳсулотлари — парварда, ҳолва тайёрлаб, эл дастурхонига тортиқ қилишлари ҳаммага маълум. Муҳими бу ширинликларнинг сифати ва мазасида. Шунданми, айни тўйлар мавсумида бу қандолат турига бўлган талаб янада ошади.

Комил Шаймановнинг таъкидлашича, қандолатчиликка меҳр у кишига ота­лари Худойберди бобо Шаймановдан ўтган. "Отамерос" удумни бугун К. Шай­­мановнинг фарзандлари ҳам да­вом эттириб келишяпти. Уйларидаги пар­­вар­да, ҳолва, қишда эса новвот ҳам тайёрлашга мўлжалланган хонада доим иш қизғин. Тадбиркорнинг хонадон­и­га кириб борганимизда, у кишининг ўғли Тўймурод қизғин иш жараёни устида экан. Суҳбатимизни ёш қандо­лат­­чига ҳа­лал бермаган ҳолда олиб боришга қа­рор қилдик. Қўли ишда бўл­са ҳам, Тўй­му­роднинг завқ билан га­пириши, кў­таринки кайфияти бизга ҳам ўтди.

— Отамдан ўрганганларим бу, — дей­ди у парвардани тайёрлашда ик­кин­чи босқич бўлган қиёмни маро­ми­га ет­казиб, "чўзиб" ишлов бераркан. Ўзим­­­­га парварда чиройли, тановул ҳо­­латига келгунига қадар бўлган ишлар ёқади. Ҳар бир ишни астойдил қила­ман. Шундай қилмасангиз, ширинли­гин­гиз меъ­­ёридаги мазага эга бўл­май­ди. Ахир, ҳамма нарсада меҳр ара­лаш­ган бўл­­­­са, бу муваффақият келтиради-да.    

Тўймурод қиёмни токи у сариқ кў­ри­­нишдан оппоқ рангга киргунча "иш­лай­ди". Бу катта куч ҳамда маҳорат та­лаб қи­­­­лишини кўриб, ёш йигитнинг чаққон ва эпчил, завқ билан бажа­раёт­ган ҳа­ра­катига қараб ҳавасимиз келади. Шун­дан сўнг оппоқ қиём хамирдан узунроқ зу­валаларга бўлиниб, махсус қолипда "ай­ланача"лар кўринишига келади. Улар ўн-ўн беш дақиқа сову­ти­лади. Кейин эса син­­дирилиб, биз харид қила­диган пар­варда ҳолатига келти­рилади.

— Бир кунда 200-300 килограммгача пар­варда тайёрлаймиз, — дейди Т. Ху­дой­бердиев суҳбатимизни давом эт­ти­риб. — Ўзимизнинг бозорга олиб чи­қа­миз. Уйимиздан харид қилиб кетишади. Тўй-тан­таналарга буюртмалар оламиз. Да­ро­мадимиз, шукрки, ёмон эмас. Шу­нинг ор­қа­сидан тўйлар қилдик. "Да­мас" ма­ши­насини олдик. Яқинда ке­линингиз Сайёра­хон билан фарзанд­ли бўламиз. Орзу-ниятларимиз кўп. Маҳ­сулотлари­мизнинг бошқа вилоят­лар­да ҳам соти­ли­­ши­ни ташкил қил­моқ­чимиз.       

Тўймуроднинг опаси Муҳайё ҳам ни­шолда, парварда тайёрлашда укасига кўмакчи. Уларнинг аҳиллиги, қандолат­чи­ликка бўлган меҳри, муҳаббати иш унум­дорлиги ва сифатига ижобий таъ­сир қи­лаётгани аниқ Ахир, бошқача ҳам бўли­ши мумкин эмас. Кўрдикки, Му­ҳайё опа­нинг ўғли Беҳзод тоғасидан бир қадам ҳам ажралмайди. Қозонга ша­кар, сув солиб, қанча ҳароратда қай­натилишидан тортиб, қиёмни совутиш, ишлаш жа­ра­ё­ни­­гача завқ билан куза­тади. У ҳам бо­боси, тоғасига ўхшаб ши­ринликлар тай­ёрлашни ўрганмоқчи. "Яна бир давом­чи." Хурсанд бўламиз. Халқимиз дас­тур­­хо­нини оппоқ ширин­лик­лар билан тўл­ди­­ришда бекаму кўст ҳисса қўшаётган бу қандолатчиларнинг орзу ниятлари ҳам шун­дай оқлигига шубҳа йўқ.

З. МАРДОНОВА.


фотогалерея