Сўнгги янгиликлар

барча янгиликлар
Вилоят маданият бошқармасида "Энг улуғ, энг азиз" республика анъанавий танловининг ҳудудий босқичи ғолибларини тантанали тақдирлаш маросими бўлиб ўтди.
Ўзбекистон Республикаси Президентининг 2018 йил 27 июнда қабул қилинган "Yoshlar — kelajagimiz" давлат дастури тўғрисида"ги фармони билан амалга киритилган давлат дастурининг ижросини таъминлаш, унда белгиланган вазифаларнинг мазмун-моҳияти билан таништириш мақсадида Навоий вилояти ҳокими, 1-сектор раҳбари Қобулжон Турсунов навбаҳорлик банд бўлмаган ёшлар билан учрашди.
Кармана тумани "Шибзон" маҳалласида "Yoshlar — kelajagimiz" давлат дастури ижроси юзасидан барпо этилган "Yoshlar mehnat guzari" фойдаланишга топширилди.
Вилоят маданият бошқармасида "Энг улуғ, энг азиз" республика анъанавий танловининг ҳудудий босқичи ғолибларини тантанали тақдирлаш маросими бўлиб ўтди.
Ўзбекистон Республикаси Президентининг 2018 йил 27 июнда қабул қилинган "Yoshlar — kelajagimiz" давлат дастури тўғрисида"ги фармони билан амалга киритилган давлат дастурининг ижросини таъминлаш, унда белгиланган вазифаларнинг мазмун-моҳияти билан таништириш мақсадида Навоий вилояти ҳокими, 1-сектор раҳбари Қобулжон Турсунов навбаҳорлик банд бўлмаган ёшлар билан учрашди.
Кармана тумани "Шибзон" маҳалласида "Yoshlar — kelajagimiz" давлат дастури ижроси юзасидан барпо этилган "Yoshlar mehnat guzari" фойдаланишга топширилди.

Календарь

ДуСеЧрПаЖуШаЯк
 12345
6789101112
13141516171819
20212223242526
2728293031 
«Август 2018»

Суровнома

Сайтимизни қандай баҳолайсиз?

Порлоқ келажакнинг мустаҳкам таянчи

10.08.2018

Ёш авлод вакилларининг иш билан бандлигини таъминлаш, уларнинг муаммоларини ҳал этишга кўмаклашиш мақсадида вилоят ҳокимлиги ва O'zLiDeP ҳудудий партия ташкилоти ҳамкорлигида "Бизнинг энг катта таянчимиз ва суянчимиз, ҳал қилувчи кучимиз ёшлар" номли форум ташкил этилди.

Анжуман доирасида Навоий давлат педаго­гика институтида "Ёш­лар бандлигини таъмин­лаш энг муҳим вазифа­миз" мавзусида бўлиб ўтган амалий учрашувда вилоят ҳокими, сенатор Қ. Турсунов, O'zLiDeP Сиёсий Кенгаши Ижроия Қўмитаси раиси А. Ҳайитов ҳамда партия фаол­лари, депутатлар, талаба-ёшлар ва ОАВ вакил­лари иштирок этди.

Унда "Yoshlar — kelajagimiz" давлат дастури ижроси, мазкур ҳужжатда навқирон авлод вакиллари ўзларини намоён этишлари учун белгиланган имтиёз­лар тилга олинди. Шу­нинг­дек, очиқ ва ошкора ўтган мулоқотда ёшлар­нинг муаммо ва так­лифлари тингланди.

Партиянинг ҳудудий Кенгаши томонидан жорий йилнинг июль ойида вилоятимизнинг барча туман ва  шаҳарларида "Сен ҳам фаол ёшлар сафидасан!" лойиҳаси ўткази­либ, унда "Ёш либераллар" ҳамда тарғиботчи­лар гуруҳи аъзолари ишсиз йигит-қизларнинг муаммо­ла­рини ўрганиш билан бирга жойларда тад­бир­корлик субъектлари ва фермер хўжаликла­ридаги мавжуд бўш иш ўринлари ўрганилган эди. Натижада лойиҳада иштирок этган 200 на­фардан ортиқ ёшлар ишга жойлаштирилди. Тадбиркорлик фаолиятини бошламоқчи бўл­ган 45 йигит-қизга эса банк кредитлари ажра­тилишида амалий ёрдам берилди.

Учрашувда шу асосда ишга жойлаштирилган 12 нафар ёшга меҳнат дафтарчалари топ­ши­рилди. Шунингдек, уларни иш билан таъ­мин­лашга яқиндан ёрдам берган 30 та корхона­га O'zLiDeP ташаккурномалари тақдим қилин­ди. Бундан ташқари, вилоят ҳокими томонидан 10 на­фар ёш тадбиркорга имтиёзли кредитлар ажрати­лиши белгиланди ҳамда Зарафшон шаҳ­рида фаолият олиб бораётган "Ёш ихтиро­чилар" клуби учун 10 миллион сўм тақдим қилинди.

— Мамлакатимизда ёшларнинг ихтиролари, ғоялари ҳар томонлама қўллаб-қувватланмоқда, — дейди клуб раҳбари Т. Аҳматов. — Ҳозирда тўгарагимизда 50 нафарга яқин ёш ихтирочилар ўзлари яратган инновацион лойиҳаларни янада такомиллаштириб келмоқда. Бизга ажратилган маблағдан унумли фойдаланиб, уни клубимиз фаолиятини яхшилашга сарфлаймиз.

Форумда иштирок этган кўплаб ёшлар қаторида навбаҳорлик М. Очилованинг ҳам муаммоси ҳал этилиб, иш билан таъмин­ланди.

— O'zLiDeP фаоллари ёрдами билан "Янги ер" фермер хўжа­лигига ишга кирдим, — дейди у. — Бундан ниҳоятда хурсандман. Шу ерда ишлаб, қишлоқ хўжалиги соҳасида тажриба орттираман. Келгусида ўзим ҳам фермер бўлишни ният қилганман.

Анужуманнинг навбатдаги босқичи "Навоий" эркин иқтисодий зонаси ҳамда "Навоий ИЭС" акциядорлик жамиятида бўлиб ўтди. Унда ёшлар қўшма корхоналар ҳамда замонавий буғ-газ электро­станцияси фаолияти билан танишишди.

Шунингдек, "Yoshlar — kelajagimiz" давлат дастурини амалга ошириш фаолиятимизнинг муҳим қисмига айланмоғи лозим" мавзусида эркин иқтисодий зонада ўтказилган тақдимот тадбирида ёшларга яратиб берилаётган имкониятлар ҳақида сўз юритилди.

Навоий шаҳридаги муҳташам "Амфитеатр" мажмуасида "Азиз ва ягонамсан, жонажон Ўзбекистоним!" шиори остида ташкил этилган гала-концертда санъаткорларнинг она Ватан ҳамда истиқлолни тараннум этувчи куй-қўшиқлари кўнгилларни хушнуд этди.

Бахтиёр ТОШНАЗАРОВ,

"Дўстлик байроғи" мухбири.


"Алишер Навоий ижодий меросининг умумбашарият маънавий-маърифий тараққиётидаги ўрни" мавзусидаги II Халқаро илмий конференция

Навои Об-ҳавоси

Информерлар



Топ рейтинг www.uz

фотогалерея